Պինդ ֆազային ռեակցիաների մակրոկինետիկայի լաբորատորիա
Լաբորատորիան կազմավորվել է 1982թ․ մարտին՝ 1977թ․-ին կազմավորված «ԲԻՍ պրոցեսների կինետիկայի և թերմոդինամիկայի» խմբի հիմքի վրա։ Մինչև 2021թ․ լաբորատորիան կրում էր «ԲԻՍ պրոցեսների կինետիկայի լաբորատորիա» անվանումը։
Աշխատակիցների ընդհանուր թիվը 18 է, այդ թվում՝ գիտությունների դոկտոր – 1, գիտությունների թեկնածուներ – 7, մագիստրոսներ – 8, բակալավրի ուսանող – 1, ինժեներ – 1։
Գիտական գործունեության ոլորտը.
-
Մետաղների և համաձուլվածքների, կերամիկական և կոմպոզիտային նյութերի փոշիների սինթեզ այրման ռեժիմում (բարձրջերմաստիճանային ինքնատարածվող սինթեզի (ԲԻՍ) եղանակով)՝ հիմնված քիմիական խթանման և/կամ ռեակցիաների ջերմակինետիկական զուգորդման մոտեցումների վրա։
-
Նանոփոշիների ստացում լուծույթների այրմամբ սինթեզի եղանակով (ԼԱՍ)․ մետաղներ, համաձուլվածքներ, օքսիդներ, բարձրէնտրոպիական նյութեր, անթթվածին կերամիկական նյութեր։
-
Պինդ ֆազի մասնակցությամբ բարձր ջերմաստիճանային արագընթաց ռեակցիաների կինետիկայի և մեխանիզմի փորձարարական և տեսական հետազոտություններ իզոթերմ և ոչ իզոթերմ պայմաններում:
-
Ռեակցիոն դիֆուզիայի տեսություն։
